पाहुना टोली एभिनियर फुटबल क्लब क्याम्ब्रुन धरानमा जारी २३औँ अन्तर्राष्ट्रिय आमन्त्रण बुढासुब्बा गोल्डकपको सेमिफाइनलमा प्रवेश गरेको छ । धरान रंगशालामा आइतबार भएको खेलमा बागमती युवा क्लव सर्लाहीलाई १–० गोल अन्तरले पराजित गर्दै एभिनियर सेमिफाइनलमा पुगेको हो । एभिनियरका लागि सब्बा अलीले १४औँ मिनेटमा निर्णयक गोल गरे ।

उनले हेडिङमार्फत उत्कृष्ट गोल गरेका हुन् । प्रतियोगितामा बागमती युवा क्लबका खेलाडी आयुस राना म्यान अफ द म्याच घोषित भए । उनलाई नगद १० हजारसहित प्रमाणपत्र पदान गरिएको थियो । सोमबार हुने तेस्रो क्वाटर फाइनलमा केएफटिसी झापा र विभागीय टिम नेपाल पुलिसबीच प्रतिस्पर्धा हुनेछ । आठ टिम सहभागी प्रतियोगितामा प्रथम हुने टिमलाई १० लाख, दोस्रो हुनेलाई ५ लाख रुपैयाँ प्रदान गरिनेछ ।