बर्दिवास, १२ जेठ –
कला, संस्कृति र स्वस्थ जीवनशैलीको सन्देश बोकेको अनौठो यात्रा ‘मधेश टु महाभारत उल्टो मोटरसाइकल यात्रा’ सम्पन्न भएको छ । जिवनाथ पोखरेल ‘जेबी’को नेतृत्वमा जेठ ९ गते बर्दिवासबाट सुरु भएको यात्राले सिन्धुलीको राष्ट्रिय कलाघरसम्मको दूरी तय गर्‍यो ।

२५ सदस्यीय टोलीले ‘मधेश टु महाभारत, सुस्वास्थ्यको सबैमा मुवारक’ नारासहित कलाघर पुगेर सांस्कृतिक कार्यक्रममार्फत सन्देश प्रवाह गरेका थिए ।

संयोजक सुबोध कट्टेलका अनुसार अभियानले मौलिकता, पर्यटन र स्वस्थ जीवनशैलीलाई जोड्ने उद्देश्य राखेको छ ।
उक्त कार्यक्रम बर्दिवास नगरपालिका र त्यसका वडा नं. १ र ३ को साझेदारीमा, गौरीवास युथ क्लबको सहयोगमा सम्पन्न भएको हो ।