२०८१ असार ४ सोमबार

रोटरीद्वारा निर्मित शुद्ध पिउनेपानी आयोजना विद्यालयलाई हस्तान्तरण

मेचीनगर, असार १६ । विद्यालयले खेप्नुपरेको शुद्ध पिउनेपानीको अभावलाई मध्यनजर गर्दै रोटरी क्लब अफ काँकरभिट्टाले मेची जनसाधारण मा.वि. मेचीनगर २ मा शुद्ध पिउनेपानी आयोजना निर्माण गरी हस्तान्तरण गरेको छ । आज विद्यालय परिषरमा आयोजित एक कार्यक्रमका बिच रोटरीले उक्त आयोजना विद्यालयलाई हस्तान्तरण गरेको हो ।

करिब ३ महिना अघिदेखि रोटरीले मेचीनगर नगरपालिका वडा नं २ सँगको सहकार्यमा विद्यालयमा पिउनेपानी शुद्धिकरणका लागि संरचना निर्माण थालेको थियो । निर्माण सम्पन्न पश्चात रोट्रियर २०२३/२४ का अध्यक्ष इन्जिनियर रुद्र मैनालीले कार्यभार सम्हालेको पहिलो दिनको अवसरमा आज आयोजना विद्यालयलाई हस्तान्तरण गरिएको हो । अब भने यहाँका विद्यार्थीले युभी वाटर ट्रिटमेन्ट प्रणालीमार्फत शुद्ध भएको पानी पिउन पाउनेछन् भने विद्यार्थीहरुलाई सहजिकरणका निम्त्ति तीन ठाउँमा ९ वटा धारा जडान गरिएको छ ।

मेचीनगर भरीका सम्पूणर् विद्यालयमा शुद्ध पिउनेपानीको उपलब्धतालाई अभियान बनाएर सक्रिय यस संस्थाले यसअघि पनि खानेपानीको क्षेत्रमा विभिन्न काम सम्पन्न गरिसकेको छ । मेचीनगर नगरपालिका वडा नं २ का वडाध्यक्ष दिपक बरालको प्रमुख आतिथ्यतामा सम्पन्न आयोजना हस्तान्तरण कार्यक्रममा विद्यालय व्यवस्थापन समितीका अध्यक्ष नरेन्द्र न्यौपाने, संस्थाका निवर्तमान अध्यक्ष सुजन प्रधान लगायतले मन्तव्य राखेका थिए । कार्यक्रममा बौल्दै प्रमुख अतिथी बरालले विद्यालयमा शुद्ध पिउनेपानीको आयोजना निर्माण गरिदिएकोमा संस्थालाई धन्यवाद दिँदै सयौँ विद्यार्थी शुद्ध पिउनेपानीको पहुँचमा पुगेको बताए ।

‘समग्र समाज नै नकरात्मक सोचाइतर्फ गइरहेको यस अवस्थामा सामाजिक क्षेत्रमा सक्रिय यस्ता संस्थाहरु प्रति आभारी छु,’ उनले भने । यसैगरी कार्यक्रममा बोल्दै विद्यालय व्यवस्थापन समितीका अध्यक्ष न्यौपानेले पनि विद्यालयले पिउनेपानीको अभाव झेल्नुपरेको स्मरण गर्दै भने ‘पानीको संकट थियो, दुषित पानी पिउनुपर्ने बाध्यता उस्तै तर, अब भने यो बाध्यताको अन्त्य भएको छ । रोटरी क्लब अफ काँकरभिट्टालाई हार्दिक धन्यवाद ।’

संस्थाका २०२३/२४ अध्यक्ष रुद्र मैनालीको अध्यक्षतामा सम्पन्न कार्यक्रमको संचालन संस्थाका सचिव भगिरथ राई र योजना संयोजक दिपेन्द्रराज पाण्डेको संयुक्त सञ्चालनमा सम्पन्न भएको थियो । खानेपानीसँगै शिक्षा, स्वास्थ्य, वातावरण लगायतको क्षेत्रमा काम गर्ने यस संस्था सामाजिक परिवेशमा सक्रिय छ । संस्थाको २०२३/२४ को नारा नै छ ‘क्रिएट होप इन द वल्र्ड’ ।

२०८० असार १६, शनिबार प्रकाशित 0 Minutes 260 Views

ताजा समाचार