२०८० फाल्गुन १६ बुधबार

राष्ट्रिय युवा संघ मेचीनगर संयोजकमा कृष्ण श्रेष्ठ

मेचीनगर, १३ असार । राष्ट्रिय युवा संघ नेपाल झापा जिल्ला कमिटीको छैठौं पूणर् बैठक विभिन्न निणर्यहरु गर्दै सम्पन्न भएको छ ।

बैठकले राष्ट्रिय युवा संघ मेचीनगरको सम्मेलन आयोजक समितिको संयोजकमा कृष्ण श्रेष्ठलाई जिम्मेवारी तोकेको छ । मेचीनगरको सम्मेलन आयोजक कमिटी सदस्यमा नगरका १५ वटै वडा अध्यक्षहरुलाई सदस्य बनाउने निणर्य भएको बैठकमा सहभागी राष्ट्रिय युवा संघ झापा क्षेत्र नं. १ का इञ्चार्ज सरोज मेहराले जानकारी दिए ।

मेचीनगरमा लामो समयदेखि कमिटीविहीन भएको भन्दै युवा संघका सचिवालय सदस्यसमेत रहेका श्रेष्ठलाई संयोजक तोकिएको जनाइएको छ । यस्तै, बैठकले राष्ट्रिय युवा संघ हल्दिबारी सम्मेलन आयोजक कमिटीको संयोजकमा चन्दा पाठकलाई जिम्मेवारी प्रदान गरेको छ ।
युवा संघको बैठकले चार महिने ‘मिसन इलेक्सन टार्गेट न्यू जेनेरेसन’ अन्तर्गत १६ देखि २५ वर्ष उमेर समूहका युवालाई लक्षित गरी संगठित गराउने लक्ष्य राखेको छ ।

युवा संघका जिल्ला अध्यक्ष फुर्वा लामाको अध्यक्षतामा सम्पन्न बैठकसँगै प्रशिक्षणात्मक कार्यक्रममा संघका केन्द्रीय उपाध्यक्ष कृष्णहरि केसीको प्रमुख आतिथ्यता रहेको थियो । कार्यक्रममा केन्द्रीय सचिव अनिता कङ्दम्बा, केन्द्रीय सदस्यहरु खगेन्द्र आङ्दाम्बे (राज), सागर पोर्तेल, रोजिना पाण्डे लगायतको उपस्थिति रहेको थियो ।

२०८० असार १३, बुधबार प्रकाशित 0 Minutes 421 Views

ताजा समाचार