२०८१ बैशाख ११ मंगलवार

हल्दिबारीमा विषालु सर्प समातेर घाटी बेर्न खोज्दा एक युवकको मृत्यु

हल्दिबारी । हल्दिबारीमा विषालु सर्पको डसाइबाट एक युवकको मृत्यु भएको छ । मृत्यु हुनेमा हल्दिवारी गाउँपालिका- २ पाराखोपी निवासी अन्दाजी ३२ वर्षीय शम्भु राजवंशीको मृत्यु भएको जिल्ला प्रहरी कार्यालय झापाका डीएसपी खगेन्द्रप्रसाद रिजालले जानकारी दिए ।

प्रहरीका अनुसार आइतबार मध्यरातमा घरको ढोकामा विषालु सर्प देखेपछि राजवंशीले  सर्पलाई समातेर घाटीमा बेर्न खोजेका थिए । सोही क्रममा सर्पले उनको दुवै हातमा डसेका थिए । सर्पले डसेर गम्भीर घाइते भएका उनलाई उपचारका लागि चाराआली लैजाने क्रममा बाटैमा मृत्यु भएको डीएसपी रिजालले बताए ।

‘अत्यधिक मदिरा सेवन गरेका कारण उनले सर्प समातेर घाटीमा बेर्न खोज्दा घटना घटेको हो,’ डीएसपी रिजालले भने । यता शवको कानुनी प्रक्रिया पूरा प्रादेशिक अस्पताल भद्रपुरमा पोस्टमार्टमका लागि पठाइएको प्रहरीले जनाएको छ ।

२०८० असार ११, सोमबार प्रकाशित 1 Minute 266 Views

ताजा समाचार