भारतमा कंग्रेस नेता राहुल गान्धीको लोकसभाको सदस्यता रद्द गरिएको छ । चार वर्ष पुरानो मानहानीको घटनालाई लिएर नेता राहुलविरुद्ध भएको सजायको एक दिनपछि शुक्रबार लोकसभा सचिवालयले सदस्यता रद्द गरेको हो ।

यसअघि बिहीबार राहुललाई सुरतको एक अदालतले चार वर्ष पुरानो मानहानीको घटनामा २ वर्षको सजाय सुनाएको थियो । अदालतले गान्धीलाई १५ हजार जरिवाना पनि तोकेको छ । तर उनलाई फैसलाविरुद्ध अदालतमा अपिल गर्नका लागि एक महिनाको समय दिइएको छ ।