राष्ट्रपति विद्यादेवी भण्डारीले सांसद्हरूका लागि रात्रिभोज आयोजना गर्ने भएकी छिन् । राष्ट्रपति भण्डारीले माघ २८ गते तीन बजे राष्ट्रपति कार्यालय शीतल निवास महाराजगञ्जमा रात्रिभोजको आयोजना गर्ने भएकी हुन् । संघीय संसद्का सांसद्हरूलाई भण्डारीले भोजका लागि मोबाइल म्यासेजमार्फत निम्तो दिइएको छ ।
राष्ट्रपतिले आयोजना गर्ने उक्त रात्रिभोजमा उपराष्ट्रपति, प्रधानमन्त्री, मन्त्रीहरू, संवैधानिक निकायका उच्च अधिकारी कूटनीतिक नियोगका प्रमुखहरू उपस्थित हुनेछन् । आगामी २७ गते संघीय संसद् प्रतिनिधि सभा र राष्ट्रिय सभाका सांसदहरूलाई संयुक्त सम्बोधन गरेको भोलिपल्ट राष्ट्रपति भण्डारीले रात्रिभोजको आयोजना गर्न लागेकी हुन् ।
नेपालको संविधानले दुई पटक भन्दा राष्ट्रपति हुन नसक्ने जनाएपछि यसलाई बिदाई भोजका रूपमा हेरिएको छ । निर्वाचन आयोगले २८ फागुनमा राष्ट्रपति निर्वाचनको घोषणा गरिसकेको छ । निर्वाचनपछि मुलुकले राष्ट्रपतिमा तेस्रो नयाँ अनुहार पाउनेछ ।
