२०८१ माघ २३ बुधबार

नेपाल र भुटान बराबरीमा रोकिए

बल खोस्ने प्रयास गर्दै नेपाल र भुटानका खेलाडी ।

काठमाडौँ, पुस ७ गते । नेपाल र भुटान यु–१९ राष्ट्रिय महिला टोली बिचको अन्तर्राष्ट्रिय मैत्रीपूर्ण खेल बराबरीमा सकिएको छ । दशरथ रङ्गशालामा आइतबार भएको खेलमा नेपाल र भुटान १–१ गोलको बराबरीमा रोकिएका हुन् । सुरुवाती अग्रता जोगायन नसक्दा नेपालले बराबरीमा चित्त बुझाएको थियो। प्रतिस्पर्धात्मक खेलको पहिलो हाफ गोलरहित बराबरीमा सकएिको थियो । ६७औँ मिनेटमा सुशिला केसीले डिबक्स छेउबाट सोझै गोल गर्दै नेपाललाई अग्रता दिलाउनुभयो । त्यसपछि ८०औँ मिनेटमा भुटानकी फुन्ट्शो छोडेनले गोल गर्दै खेललाई बराबरीमा सक्नुभएको थियो । यसअघि, नेपाल र भुटानको महिला यू–१६ टोलीको मैत्रीपूर्ण खेलमा नेपाल भुटानसँग ५–१ गोलले पराजित गरेको थियो ।

गोरखापत्र अनलाइन

२०८१ पुष ७, आईतवार प्रकाशित 0 Minutes 23 Views

ताजा समाचार