झापाको मेचीनगर नगरपालिका स्थित नकलबन्दा टि स्टेट भित्र दश बिघाह ,पाँच कठ्ठा सात धुर जग्गा सरकारी भएको बताईएको छ । मेचीनगर नगरपालिकाका मेयर गोपालचन्द्र बुढाथोकीले बिहिबार नकलबन्दा टि स्टेट (सरकारी जग्गा भएको स्थान)मा गएर बगान भित्र भेटिएको सरकारी जग्गाको संरक्षण मेचीनगर नगरपालिकाले गर्ने बताए । बैसाखी टेकेर बगान पुगेका मेयर बुढाथोकीले नियमानुसार अहिले भेटिएको जग्गामा विकासका कार्यहरु गर्ने समेत बताए । संक्षिप्तमा आयोजना गरिएको घोषणा जस्तै देखिने सो कार्यक्रममा नगरका उप प्रमुख मिना पोखरेल( उप्रेती) लगायतको उपस्थिति रहेको थियो ।