काँकरभिट्टा । काँकरभिटटा बचत तथा ऋण सहकारी संस्था लि.ले संस्थाको १४ औं वार्षिक साधारण सभाको अवसरका कर्मचारी, बचत कर्ता र असल ऋणीलाई नगदसहित सम्मान गरेको छ ।

आज (बिहिबार) काँकरभिट्टा खानेपानीको सभाहलमा सम्पन्न एक कार्यक्रमको बीच सम्मान गरिएको हो । मेचीनगर नगरपालिकाका नगरप्रमुख गोपाल बुढाथोकीको प्रमुख आतिथ्यता रहेको थियो भने संस्थाका अध्यक्ष भूपाल शिवाकोटीले वार्षिक प्रतिवेदन प्रस्तुत गरेका थिए ।

संस्थाका सदस्य हस्तबहादुर आङगदेम्बेले स्वागत गरेका थिए । एक हजार ९ सय २ जना शेयर सदस्य रहेको संस्थाले करोडौंको कारोबार गर्दै आएको संस्थाका अध्यक्ष भुपाल शिवाकोटीले बताए ।

कार्यक्रममा बिजय डालमिया, डिल्ली कुमार काफ्ले, राजु दाहाल, पर्शुराम तिम्सिनालगायतले शुभकामना मन्तव्य राखेका थिए भने संस्थाका उपाध्यक्ष राजु कार्कीको सञ्चालन रहेको थियो ।