झापाको शिवसताक्षी नगरपालिका-३ भोटेपुलमा शुक्रबार बिहान एकै परिवारका तीन जना मृत अवस्थामा फेला परेका छन्। दुई बालकसहित तीन जना मृत फेला परेको जिल्ला प्रहरी कार्यालय झापाले जनाएको छ।
स्थानीय सुजन बेस्राकी २५ वर्षीया श्रीमती अञ्जली बेस्रा , उनका छोराहरू ८ वर्षका विशाल बेस्रा र दुई बर्षका आयुष बेस्रा मृत फेला परेका हुन् । प्रहरीका अनुसार अञ्जली झुन्डिएको अवस्थामा फेला परेकी छन् । आफ्ना दुई छोरालाई विष सेवन गराई हत्या गरेपछि उनले आत्महत्या गरेको हुनसक्ने आशङ्का गरिएको छ । प्रहरी टोलीले घटनास्थल पुगेर अनुसन्धान गरिरहेको छ ।
सुजन बेस्रा वैदेशिक रोजगारीका लागि कतारमा छन्। शवको प्रकृति हेर्दा यो घटना बिहीबार साँझको जस्तो छ,’ स्थानीयवासीले भने ’सबको छेउमा जाँदा विषादी गनाउँछ । छोरालाई विष ख्वाए लगत्तै आफूले पनि विष सेवन गरेको र आत्महत्या गरेको जस्तो घटनाको प्रकृतिले देखिन्छ ।’
