काठमाडौं । तेलुगू सुपरस्टार प्रभास स्टारर ‘सालार : पार्ट १ सिजफायर’ को सिजफायरवाला एक्सनले भरिपूर्ण टिजर रिलिजसँगै यो फिल्मलाई लिएर दर्शकमाझ उत्सुकता बढेको छ । यो फिल्मसँगै केजीएफ १ र २ जस्तो ब्लकबस्टर फिल्म निर्देशन गरेका प्रशान्त नीलले यसको तेस्रो शृंखलाबारे पनि केही संकेत गरेका छन् ।
‘सालार’ रिलिजसँगै ‘सालार : पार्ट २’ को तयारीमा रहेका प्रशान्त नील अब त्यसअघि नै केजीएफ च्याप्टर ३ को छायांकन सुरु गर्ने योजनामा रहेको भारतीय सञ्चारमाध्यमले जनाएका छन् ।
एक्सन फिल्मका लागि भारतमा छुट्टै पहिचान बनाएका प्रशान्त नीलको केजीएफको तेस्रो शृंखलाका लागि फ्यानहरुको व्यग्र पर्खाइ छ । त्यसैले उनले चाँडोभन्दा चाँडो यो फिल्मलाई समय दिन चाहेको जनाइएको छ ।
प्रभासका साथै पृथ्वीराज सुकुमारन, श्रुति हसन र जगपति बाबुको मुख्य भूमिका रहेको ‘सालार : पार्ट १ सिजफायर’ आगामी सेप्टेम्बर २८ मा विश्वव्यापी रिलिज हुँदैछ ।
