२०८१ असार ४ सोमबार

तरलता सहज भएपछि अन्तरबैंकिङ कारोबार बन्द

काठमाडौं । तरलता सहज हुँदै गएपछि बैंक तथा वित्तीय संस्थाबीच हुने अन्तरबैंकिङ कारोबार बन्द गरिएको छ । नेपाल राष्ट्र बैंकको तथ्यांकानुसार अहिले बैंकहरूले एकार्काबीच करोबार गर्न बन्द गरेका हुन् । तरलता असहज हुँदा बैंकले अर्काे बैंकसँग ऋण लिने गरिन्छ । गएको साताको अन्तिम दिन शुक्रबार बैंकहरूले एकार्काबीच अन्तरबैंकिङ कारोबार गरेनन् । यो क्रम जारी रहेको राष्ट्र बैंकले जनाएको छ ।

बिहीबार अन्तरबैंक ब्याजदर औसत २.६५ प्रतिशत थियो । शुक्रबार उक्त दर ०.०० प्रतिशत कायम भयो । हाल वाणिज्य बैंकहरूको कर्जा निक्षेप अनुपात (सीडी रेसियो) पनि ८४.०१ प्रतिशतमा झरेको छ । राष्ट्र बैंकले वाणिज्य बैंकहरूलाई सीडी रेसियो ९० प्रतिशतसम्म कायम गर्न पाउने व्यवस्था गरेको छ ।

हाल २१ वाणिज्य बैंक सञ्चालनमा छन् । यी बैंकहरूमा ४९ खर्ब १५ अर्ब रुपैयाँ निक्षेप छ । ४३ खर्ब रुपैयाँ कर्जा लगानी गरिएको छ । बैंक तथा वित्तीय संस्थाहरूमा कुल ५५ खर्ब ७० अर्ब रुपैयाँ निक्षेप छ । ४८ खर्ब ५७ अर्ब रुपैयाँ कर्जा लगानी छ । यसले पनि बैंकहरूमा तरलता सहज हुँदै गएको देखाउँछ ।

पछिल्लो समय बैंकहरूले कर्जा लगानी उठाउने नीति लिएको देखिन्छ । बाह्रखरीबाट

२०८० असार १२, मंगलवार प्रकाशित 0 Minutes 167 Views

ताजा समाचार