२०८० फाल्गुन ११ शुक्रबार

टर्की र उत्तरी सिरियामा गएको भुकम्पमा परी मृत्यु हुनेहरूको संख्या ११ हजार नाघ्यो

 

टर्की र उत्तरी सिरियामा सोमबार गएको भुकम्पमा परी मृत्यु हुनेहरूको संख्या ११ हजार नाघेको छ । टर्कीमा ८ हजार ५ सयभन्दा बढी र सिरियामा कम्तीमा दुई हजार पाँच सय जनाको ज्यान गएको हो । दुबै देशमा मृतकको सङ्ख्या अझै बढ्न सक्ने चेतावनी दिइएको छ । दुवै देशमा गरेर ३४ हजार भन्दा धेरै घाइते भएका छन् । उद्धारकर्मीहरू तीव्र रूपमा जीवित मानिसहरूको खोजीमा जुटेका छन् ।

टर्कीमा आठ हजार भन्दा धेरै मानिसको भग्नावशेषबाट उद्धार गरेको र तीन लाख ८० हजार भन्दा धेरै मानिस घरबार विहीन भएर सरकारी शिविरमा बसेका छन । दुवै देशमा गरेर हजारौँ साना घर र ७ हजार वटा ठूला भवन भत्किएका छन । विश्व स्वास्थ्य संगठनले दुई करोड ३० लाख जना प्रत्यक्ष पीडित बनेको जानकारी दिएको छ । टर्कीमा उद्दार र राहतको लागि संसारभरका कयौँ देशले सामग्रीसहित जनशक्ति पठाएका छन् ।

हराइरहेका मान्छे खोज्ने कुकुर र अत्याधुनिक उपकरणसहितका विमान टर्की पुगेका छन । टर्कीका राष्ट्रपति रेसेप तैयप एर्डोगानले अहिलेसम्म विभिन्न देशबाट तीन हजार जना विशेष फौज आफ्नो देश आएको जानकारी दिएका छन् । अत्याधिक चिसो, हिमपात र वर्षाले गर्दा उद्दार र राहतमा कठिनाइ भइरहेको बताइएको छ ।

धेरै पीडितहरू युद्धग्रस्त उत्तरी सिरियामा छन् । जहाँ प्रतिबन्धहरुका कारण सहयोगीहरु पुग्न कठिन भएको छ । अमेरिका, बेलायत, चीन, रुस, भारत, पाकिस्तान, जापान, इराक, इरान, अष्ट्रेलिया, न्युजिल्याण्ड, ग्रिस लगायतका देशबाट अत्यावश्यक राहतका सामग्री टर्की र सिरियामा पुगेका छन् । टर्की र सिरियाको सिमानामा सोमवार विहान ७ दशमलव ८ र दिउँसो ७ दशमलव ५ रेक्टर स्केलको भूकम्प गएको थियो ।

यसैबीच, टर्कीको मूख्य बन्दरगाहमा भइरहेको भीषण आगलागीले अर्को समस्या निम्ताएको छ । बन्दरगाहमा लागेको आगोले सयौँ कन्टेनर जलेका छन् । धुवाँको कालो मुस्लोले इस्तानबुलमाथिको आकास ढाकेको छ । आगो निभाउन दर्जनौँ हेलिकप्टर र जहाजको पनि प्रयोग भइरहेको गरिएका छन् । राष्ट्रपतिले यो भीषण आगलागीलाई विपद् माथिको विपद् भनेका छन् ।

२०७९ माघ २५, बुधबार प्रकाशित 1 Minute 234 Views

ताजा समाचार