काँकरभिट्टा । रोट्रयाक्ट क्लब अफ काँकरभिट्टाको ९ औं पदस्थापना कार्यक्रम सम्पन्न भएको छ ।
सामाजिक, रचनात्मक तथा युवाहरुको नेतृत्व विकासमा सक्रिय क्लबको १ वर्ष, १ पद, १ व्यक्ति अनुरुप पदस्थापन कार्यक्रम गरिएको हो ।
रोट्रयाक्ट डिष्ट्रिक्ट ३२९२ अन्तर्गत आबद्ध क्लबले ९ औं अध्यक्षको रुपमा रोटा वर्ष २०२४/२५ का लागि बिनम सरदार चयन भएका छन् ।
अध्यक्ष सरदारको टिममा निवर्तमान अध्यक्ष सौभाग्य थापा, उपाध्यक्ष आशिष उप्रेती, सचिव विश्वास दाहाल, कोषाध्यक्ष इसान श्रेष्ठ, टि.आर.एफ चियरमा दालिम खड्का, प्रोफेसनल सर्भिस चियर अनिल विष्ट, मेम्बरसिप चियर सुरेश निरौला, क्लब एडमिनिसट्रेटिभ चियर अनुषा अर्याल, पब्लिक इमेज चियर विशाल तामाङ्ग, सर्भिस प्रोजेक्ट चियर गंगा बस्नेत, इन्टरनेशनल सर्भिस चियर ग्रेसी प्रधान, क्लब एडभाइजर सुजन प्रधान, क्लब मेन्टर पेमा तामाङ्ग र युथ चेयर रविन सुवेदी चयन भएका छन् ।
क्लबका नवगठित अध्यक्ष सरदारलाई रोट्रयाक्ट क्लब अफ काँकरभिट्टाका वर्ष २०२३/२४ का अध्यक्ष सौभाग्य थापाले चार्टर्ड प्रमाणपत्र, अध्यक्ष कलर, गाबल र गोन्ग हस्तान्तरण गरेका थिए भने जोन-१ रोट्रयाक्ट रिप्रेन्टटेटिभ पानस प्रज्वल अधिकारीले पद तथा गोपनियताको सपथ खुवाएका थिए भने अध्यक्ष सरदारले अन्य पदाधिकारीलाई सपथ खुवाएका थिए ।
रोट्रयाक्ट क्लब अफ काँकरभिट्टाका वर्ष २०२४/२५ का अध्यक्ष बिनम सरदारको अध्यक्षतामा आयोजित कार्यक्रममा रोट्रयाक्टको समाजमा छुटै पहिचान रहेकाले बोली र व्यवहारमा एकरुपता हुनुपर्ने जोड दिए । समाजमा तपाईहरुको कामले राम्रो, नराम्रो छाप छोड्ने भएकाले आ-आफ्नो काम जिम्मेवार र कर्तव्यनिष्ठ ढंगले गर्न आग्रह गरे ।
काँकरभिट्टामा रहेको रोट्रयाक्ट क्लब अफ काँकरभिट्टाले झापाका विभिन्न स्थानहरुमा सामाजिक कार्यहरु गर्दै आईरहेको छ ।
शिक्षा, स्वास्थ्य, खानेपानी लगायतको क्षेत्रमा आफ्नो स्थानबाट सकेको योगदान प्रदान गर्दै आईरहेको सो संस्थाले युवाहरुको व्यक्तित्व तथा नेतृत्व विकासमा महत्वपूर्ण कार्य गर्दै आईरहेको छ ।
उक्त कार्यक्रमको प्रमुख अतिथि मेचीनगर नगरपालिकाका प्रमुख गोपालचन्द्र बुढाथोकी, विशिष्ट अतिथि जोन-१ का जेडआरआर पानस प्रज्वल अधिकारी, रोटरी क्लब अफ काँकरभिट्टाका अध्यक्ष डा.आनन्दराज खनाल, सचिव जिवन भट्टराई, रिजन-७ का अशिष्टेन्ट गर्भनर सुजन प्रधान, रोट्रयाक्ट क्लब अफ काँकरभिट्टाका संस्थापक अध्यक्ष पेमा तामाङ्ग, क्लबका पूर्व अध्यक्ष रबिन सुवेदी, दालिम खड्का, डिष्ट्रिक्ट पब्लिक इमेज चेयर बाप्पा शाह, मेची सामुदायिक सेवा केन्द्रका अध्यक्ष मुक्ति पौडेल, लायन्स क्लब अफ मेचीनगरका संस्थापक अध्यक्ष शंकर थापालगायतको उपस्थिति रहेको थियो ।
कार्यक्रममा प्रमुख अतिथि मेचीनगर नगरपालिका प्रमुख गोपालचन्द्र बुढाथोकी, विशिष्ट अतिथि रोटरी क्लब अफ काँकरभिट्टाका अध्यक्ष आनन्दराज खनाल, जोन-१ का जेडआरआर पानस प्रज्वल अधिकारी, क्लबका संस्थापक अध्यक्ष पेमा तामाङ्गलगायतले शुभकामना मन्तब्य राखेका थिए ।
कार्यक्रमको उद्घाटन सत्रमा रोट्रयाक्ट क्लब अफ काँकरभिट्टाका पब्लिक इमेज चियर विशाल तामाङ्गले स्वागत गरेका थिए ।
कार्यक्रममा टि.आर.एफ चेयर दालिम खड्काले धन्यवाद ज्ञापन गरेका थिए ।
कार्यक्रमको सञ्चालन क्लबका सचिव विश्वास दाहालले गरेका थिए भने, टोस्ट प्रस्ताव अध्यक्ष बिनम सरदारले गरेका थिए ।
