‘यस सभा र यसको नेता सभामुखमाथि धेरै र गम्भीर जिम्मेवारी छन् । जवाफदेहिता र पारदर्शिता स्थापित गराउनुपर्ने पहिलो जिम्मेवारी हो । प्रतिनिधिसभामार्फत सरकारलाई नगारिकप्रति जवाफदेही बनाउनु पर्नेछ । थुप्रै चुनौती छन् । तर चुनौतीलाई अवसर बदल्ने संघारमा छौं,’ नेम्वाङले भने, ‘यस बेला कमी कमजोरीका बावजुद ठीक ठाउँमा पुग्छौं । यो सभा त्यो जिम्मेवारी पूरा गर्न सफल हुन्छ भन्ने विश्वास गरेको छु । हामीले प्रस्ताव गरेका देवराज घिमिरे सक्षम हुनुहुन्छ । उहाँले निष्पक्ष रेफ्रीको भूमिका निभाउन सक्नुहुन्छ ।’