२०८१ असार १ शुक्रबार

झापाको चारपानेमा सवारी दुर्घटना, १ को मृत्यु, दुई घाइते

झापा । झापाको बिर्तामोड-२ स्थित चारपाने चोकमा शनिबार साझ भयानक सवारी दुर्घटना भएको छ । मोटरसाइकल र बस एक आपसमा जुधेको जनाइएको छ ।

दुर्घटनामा परी झापा कन्काई-८ का बर्ष ४४ का तोयनाथ उप्रेतीको मृत्यु भएको छ । दुर्घटनामा घाइते भएका उप्रेतीको उपचारकालागि बिर्तासिटी अस्पताल लगिएको थियो । उनलाई चिकित्सकले मृत घोषणा गरेका छन् । उप्रेतीले चलाएको मे १ प ७२४८ नम्बरको मोटरसाइकलले बसलाई ओभर टेक गर्ने क्रममा दुर्घटना भएको जनाइएको छ । मोटरसाइकलमा ३ जना सवार रहेका थिए । मोटरसाइकलमा सवार अन्य २ जना गम्भीर घाइते भएको जनाइएको छ । उनीहरुको उपचार भइरहेको जिल्ला ट्राफिक प्रहरी कार्यालय झापाका प्रहरी निरीक्षक नबराज न्यौपानेले जानकारी दिए । दुर्घटनामा परी कन्काई-५ का बर्ष ५९ का रबिरत्न सिटौला र बाह्रदशी-७ का सागर माझी घाइते भएका हुन् ।

 

उनीहरु मोटरसाइकलमा पूर्वबाट पश्चिमतिर जांदै थिए । दुर्घटनाको बिषयमा थप अनुसन्धान भइरहेको जिल्ला ट्राफिक प्रहरी कार्यालय झापाले जनाएको छ ।

२०८० पुष २१, शनिबार प्रकाशित 1 Minute 183 Views

ताजा समाचार