रुविना क्रिकेट खेल्न हङकङ जाने

झापा । नेपाली राष्ट्रिय महिला क्रिकेट टोलीकी कप्तान रुविना क्षेत्रीले हङकङमा हुने ‘फेयरब्रेक इन्भइटेसनल’ क्रिकेट प्रतियोगिता खेल्ने भएकी छिन् ।

नेपाल क्रिकेट संघ (क्यान) ले शुक्रबार रुविनाले हङकङमा खेल्ने पक्का भएको जनाएको छ । महिला ट्वान्टी-२० क्रिकेट प्रतियोगिता हङकङमा १ मेदेखि १५ तारिखसम्म हुनेछ । प्रतियोगितामा ६ टिमको सहभागिता रहनेछ ।

यसअघि नेपाली टोलीकी उपकप्तान सिता रानामगरले पनि यसै प्रतियोगितामा सहभागिता जनाउने सुनिश्चित भएको थियो ।