२०८१ असार १२ मंगलवार

आफूलाई नबदली दुनियाँ बदल्न सकिन्न- माओवादी नेता काफ्ले

भद्रपुर, १० भदौ । नेकपा माओवादी केन्द्रका केन्द्रीय सदस्य सावित्रीकुमार काफ्लेले सुरुमा आफूले आफैलाई बदल्नु पर्ने समय आएको बताएका छन् ।
‘जनतासँग माओवादी विशेष रुपान्तरण’ अभियान अन्तर्गत भद्रपुरमा आइतबार आयोजित विस्तारित बैठक अभियान अभिमुखीकरण कार्यक्रममा बोल्दै नेता काफ्लेले आफूलाई नबदली दुनियाँ बदल्न नसकिने बताएका हुन् र

नेकपा मओवादी केन्द्र भद्रपुर नगर कमिटीले आयोजना गरेको कार्यक्रममा उनले जनताका हरेक दुःखसुखमा साथ दिन कार्यकर्तालाई आग्रह गरे । ‘हिजोका तीतामिठा कुरा बर्सिएर अघि बढ्नुको विकल्प छैन,’ नेता काफ्लेले भने, ‘अब जनतासँगै जाने, जनताकै कुरा सुनेर आफ्नो धारणा बनाउने समय आइसकेको छ ।’

नेता काफ्लेले हरेक दिन जनतासँग जोडिएर जनताकै समस्या समाधान गर्न लागिपर्ने बताए । उनले तीन महिने अभियान तीन चरण सञ्चालन गरिने जानकारी दिए । भदौ १६ गते देशभर एकसाथ अभियानको उद्घाटन, दोस्रोमा रचनात्मक कार्यक्रमहरु सञ्चालन र तेस्रो चरणमा शान्तिपूणर् सडक आन्दोलनबाट जनताका समस्या समाधान गर्ने योजना रहेको उनले सुनाए ।

कार्यक्रममा माओवादी केन्द्र प्रदेश सचिवालय सदस्य डिल्ली घिमिरे (हिक्मत)ले अभियानको केन्द्रीय, प्रदेश र जिल्ला सर्कुलर वाचन गरेर सुनाए । उनले पार्टीका हरेक राम्रा कामहरुलाई जनतामाझ पुर्याउनु पर्ने बताए ।

नगर कमिटी अध्यक्ष शिवकुमार राजभण्डारीको अध्यक्षतामा भएको कार्यक्रममा माओवादी नेताहरु निरु खतिवडा, सञ्चार नेम्वाङ, माधवलाल अर्याल, शिवु बुढाथोकी लगायतको आतिथ्यता रहेको थियो । कार्यक्रमको सञ्चालन नगर कमिटी सचिव हंशधर राजवंशीले गरेका थिए ।

२०८० भाद्र १०, आईतवार प्रकाशित 0 Minutes 68 Views

ताजा समाचार