तरहरा । इटहरीको तरहरास्थित होम्स नजिकै बस पल्टिदा १३ जना घाइते भएका छन् ।
मंगलबार बिहान धरानबाट काँकडभिट्टा हिँडेको मे १ ख २७४० नम्बरको बस डिभाइडरमा ठोक्किएर पटिएको हो । बस पल्टिदा १३ जना धन्दा बढी घाइते भएको ट्राफिक प्रहरी पोस्ट तरहराका हवलदार तीर्थ पराजुलीले बताएका छन् ।
उनका अनुसार घाइते मध्येका दुई जनाको अवस्था गम्भीर रहेको छ । घाइतेहरूलाई उद्धार गरी धरानस्थिति बीपी कोइराला स्वास्थ्य विज्ञान प्रतिष्ठानमा उपचारका लागी ल्याइएको पराजुलीले बताएका छन् । दुर्घटनापछि बसका चालक, सहचालक पनि तत्काल फरार रहेकाले खोजी कार्य भइरहेको प्रहरीले बताएको छ ।
दुर्घटनाको कारण बस तीव्र गतिमा रहेकोले अनियन्त्रित भई दुर्घटना भएको हुनसक्ने अनुमान गरिएको छ ।
२०८० श्रावण २३, मंगलवार प्रकाशित
0 Minutes
265 Views
