२०८१ बैशाख ११ मंगलवार

बाहुनडाँगीमा नागदेवीका ४९ धारा

मेचीनगर २२, साउन । धार्मिक तथा पर्यटन प्रर्वद्धन गर्ने उद्देश्यले झापाको मेचीनगरमा मनसा नागदेवी ४९ धारा तथा हिले सिमसार क्षेत्रमा धार्मिक मेलाको आयोजना गरिने भएको छ ।

नाग पञ्चमीको अवसरमा धार्मिक तथा सांस्कृतिक कार्यक्रम आयोजना गरिने आयोजक समितिले सोमबार पत्रकारसँगको कुराकानीमा जानकारी दिएका छ ।

स्थानीय क्षेत्रमा प्रकट भएको ऐतिहासिक भूमीलाई विकास गर्दैै धार्मिक क्षेत्रको गौरव र गन्तव्य स्थलको रुपमा देशविदेशमा परिचित गराउने उद्देश्य लिएर कार्यक्रमको आयोजना गरिएको महेन्द्र मल्लले बताए ।

मनसा नागदेवी ४९ धारा व्यवस्थापन समितिको आयोजनामा भदौ २ गतेदेखि ४ गतेसम्म सांस्कृतिक, धार्मिक तथा पराम्परागत लगायतका विविध कार्यक्रम गरिने अध्यक्ष मल्लको भनाई छ । कार्यक्रमका लागि विभिन्न उपसमिति बनाएर जिम्मेवारी दिइएको छ ।

कार्यक्रम अन्तरगत पहिलो दिन विभिन्न विद्यालयका विद्यार्र्थीबाट सांस्कृतिक कला प्रर्दशनी गर्ने कार्यक्रम तय गरिएको छ भने देश्रो दिन राष्ट्रियस्तरका ख्यातीप्राप्त कलाकारको प्रस्तुति तथा तेश्रो दिन धार्मिक मेला र भजन किर्तन प्रतियोगिताको तयारी गरेको छ । युवा पण्डित प्रशान्त न्यौपानेको मुखारविन्दबाट अध्यात्मिक कथा प्रवचन हुनेछ ।

मनसा नागदेवीको मन्दिरसँगै ४९ वटा धारा निर्माण गरिएको छ । धर्मसंगै पर्यटन प्रर्वद्धन गर्ने दीर्घकालिन गौरवको योजना ल्याएको जग्गादाता एवं पूर्व जनप्रतिनिधि डिकेन्द्र थापाले जानकारी दिए ।

नयाँ पुस्तालाई इतिहासबारे जानकारी गराउँदै ‘संरक्षणमा जुट्नुपर्छ’ भन्ने भावनाको विकास गर्न पर्यटकीयस्थलालाई मेचीनगरकै उच्च बनाउने मेचीनगर १ का वडाअध्यक्ष रामकुमार राईले बताए । कार्यक्रम सफल बनाउन वडाको तर्फबाट सम्पूर्ण सहयोग गर्नेसमेत प्रतिवद्धता जनाएका छन् ।

२०८० श्रावण २२, सोमबार प्रकाशित 0 Minutes 259 Views

ताजा समाचार