काँकरभिट्टा , ३१ जेठ । तुर्केनी स्पाेर्टस क्लबकाे आयोजनामा आगामी असार १ गतेदेखि ८ गतेसम्म झापा जिल्ला स्तरीय भेट्रान फुटबल प्रतियोगिता हुने भएको छ ।
बुधबार मेची सामुदायिक सेवा केन्द्र काँकरभिट्टाको सभाहलमा क्लबले पत्रकार सम्मेलन गरेर साे जानकारी गराएकाे हाे ।
प्रतियोगितामा आयोजक क्लब, काँकरभिट्टा भेट्रान क्लब, धुलाबारी, झिलझिलेकाे पाराबारी, चन्द्रगढी, भद्रपुर, बिर्तामोड र झिलझिले भेट्रान क्लबकाे सहभागिता रहने जनाएकाे छ ।
प्रतियोगितामा प्रथम हुनेलाई २५ हजार र दाेस्राेलाई १५ हजार पुरस्कार प्रदान गरिने क्लबका अध्यक्ष रामकुमार लिम्बुले जानकारी दिए ।
प्रथम पुरस्कारकाे राशी काँकरभिट्टा भेट्रान क्लबले र दाेस्राे पुरस्कार मेचीनगर-४ का वडाध्यक्ष अर्जुनकुमार कार्कीले प्रायाेजन गर्ने पत्रकार सम्मेलनमा बताइएकाे छ ।
प्रतियोगिता तुर्केनी खेल मैदानमा हुनेछ ।
कार्यक्रममा झापा जिल्ला फुटबल संघका महासचिव शेरबहादुर वस्नेतकाे प्रमुुख आतिथ्यता रहेकाे थियाे ।
कार्यक्रमकाे सञ्चालन क्लबका काेषाध्यक्ष बिरबल लिम्बूले र खेल तालिकाका बारेमा खेल संयाेजक राजु गुरूङले जानकारी दिए ।
