२०८१ बैशाख १ शनिबार

अमरेश कुमार भन्छन्- बोल्न नपाए कपडा खोल्छु भनेर सभामुखलाई पहिल्यै भनेको थिएँ

सांसद अमरेशकुमार सिंहले बोल्न नदिए कपडा खोल्ने जानकारी पहिल्यै सभामुखलाई दिएको बताएका छन् । सोमवार प्रतिनिधि सभा बैठकमा  बोल्न नपाएपछि कपडा खोलेर विरोध जनाएका स्वतन्त्र सांसद सिंहले दुई मिनेट बोल्नसमेत समय नपाएको गुनासो गरेका हुन् ।

‘आकस्मिक समयमा भ्रष्टाचारको विषयमा बोल्छु भनेर सभामुखलाई आग्रह गरेँ । दुई मिनेट पाउने हो त्यो समय पाऊँ,’ उनले फेसबुकमा लेखेका छन्, ‘सभामुखलाई पहिल्यै भनेको थिएँ समय नपाए म प्रोटेस्टको अन्तिम लेबलसम्म जान्छु । शब्दमै भनेको थिएँ कपडा खोल्छु ।’

सोमवार बसेको प्रतिनिधिसभा बैठकको शुरूमै उनले आकस्मिक समयमा बोल्नका लागि सभामुखसँग समय माग गरेका थिए । सभामुखले संसद् नियमावलीको कारण देखाउँदै अमरेशलाई बोल्न नदिने बताएपछि अमरेशले शुरूमा सर्ट खोलेका थिए । त्यसलगत्तै उनले भित्री वस्त्र (सेन्डो) समेत खोलेका थिए ।

सभामुखको कार्यशैलीको विरोधमा सांसदले कपडा खोलेको यो पहिलो घटना हो ।

यसअघि पहिलो संविधानसभामा सांसद विश्वेन्द्र पासवानले कपडा च्यातेका थिए ।

२०८० बैशाख २५, सोमबार प्रकाशित 1 Minute 108 Views

ताजा समाचार