कचनकवल । कचनकवल गाउँपालिकाले बैशाख १० गते आइतबार स्थानीय बिदा दिने निर्णय गरेको छ । गाउँपालिकाभित्र बसोबास गर्ने मुस्लिम समुदायहरूको महान् पर्व इद उल फित्रको अवसरमा गाउँपालिकाले आइतबार स्थानीय बिदा दिने निर्णय गरेको हो । गाउँ कार्यपालिकाको गत चैत २६ गते बसेको निर्णय अनुसार आइतबार कार्यपालिकाको कार्यालय तथा गाउँपालिका अन्तरगतका वडा कार्यालयहरू, स्वास्थ्य संस्था र शैक्षिक संस्थाहरू बन्द रहने गाउँपालिकाले जारी गरेको सूचनामा उल्लेख छ । मुस्लिम धर्मावलम्बीले एक महिना लामो रमादान पर्व (रोजा) पूरा गरी आज शनिवार इद पर्व मनाइरहेको छ ।