भद्रपुर । भद्रपुर झापा गोल्डकपले मेची रङ्गशालामा सञ्चालित प्रथम भद्रपुर झापा गोल्डकप अन्तर्राष्ट्रिय आमन्त्रण नकआउट फुटबल प्रतियोगिताको आय-व्यय सार्वजनिक गरेको छ।

गोल्डकप कार्य समितिको रङ्गशालास्थित सचिवालयमा आइतबार बसेको बैठकले हालसम्मको रुपैयाँ २ करोड ६३ लाख ९७ हजार ७ सय १३ आय र रुपैयाँ २ करोड १९ लाख ३८ हजार ४ सय रुपैयाँको व्ययलाई अनुमोदन गरेको छ।

बैठकमा खर्च भई बाँकी रहेको ४४ लाख ५९ हजार २ सय ८३ रुपैयाँ झापा गोल्डकपको नाममा रहेको राष्ट्रिय वाणिज्य बैङ्क भद्रपुर र एक्सल बैङ्क भद्रपुरको हिसाब खातामा मौज्दात रहेको जनाउँदै यथाशीघ्र लेखा परीक्षण गरी गराई सार्वजनिक गर्न सचिवालयलाई जिम्मेवारी प्रदान गरेको झापा गोल्डकप कार्यसमितिका महासचिव जीवनकुमार श्रेष्ठले जानकारी दिए।