नेकपा (एकीकृत समाजवादी) का अध्यक्ष एवम् पूर्वप्रधानमन्त्री माधवकुमार नेपालले सत्तारुढ गठबन्धन पाँच वर्ष नै टिक्ने दाबी गरेका छन् । बुधबार काठमाडौँमा आयोजित सम्पादकसँगको भेटघाट तथा अन्तरक्रियामा अध्यक्ष नेपालले सत्तारुढ गठबन्धन पाँच वर्ष टिक्नेमा कुनै शंका नरहेको दाबी गरेका हुन् । उनले मुलुकमा राजनीतिक स्थायित्व, विकास, समृद्धि र सुशासनलाई ध्यानमा राखेर सत्तारुढ गठबन्धनलाई अगाडि बढाइएको पनि बताए ।

अध्यक्ष नेपालले सत्तारुढ गठबन्धन जनताको जनादेश अनुसार बनेको र यसले मुलुकलाई मिलेर अघि बढाउने प्रण गरेको पनि उल्लेख गरे ।