काँकडभिट्टा / सशस्त्र प्रहरी बल नेपालले अवैध रुपमा नेपाल ल्याइएको मोबाईल पार्टस तथा इलेक्ट्रोनिक्स सामानहरु बरामद गरेको छ । आज दिउँसो मेचीनगर ७ जोरसिमलस्थित पूर्व पश्चिम लोकमार्गमा सीमा सुरक्षा गुल्म काँकरभिट्टाको टोलीले ३ लाख ५५ हजार ७ सय रुपैयाँ बराबरको सामान बरामद गरेको हो ।

सशस्त्र प्रहरी नायव उपरीक्षक शम्शेर बहादुर कार्कीको कमाण्डमा खटिएको ५ जनाको मोवाईल टोलीले भारतबाट भन्सार छली नेपालतर्फ ल्याउँदै गरेको मोवाईल पार्टस तथा ईलेट्रोनिक्स सामानहरु बरामद गरी आवश्यक कारबाहीको लागि मेची भन्सार कार्यालय काँकरभिट्टामा बुझाएको सशस्त्र प्रहरी बल नेपाल नं. २ गण हे.क्वा. झापाका सूचना अधिकारी सशस्त्र प्रहरी नायब उपरीक्षक सुमन पोखरेलले जानकारी दिए।