धनुषा । नागरिकता प्रकरणमा पक्राउ परेका कान्तिपुर मिडिया ग्रुपका अध्यक्ष कैलाश सिरोहियालाई शुक्रवार म्याद गप गर्न धनुषा जिल्ला अदालतमा लगिँदैछ ।

सिरोहियालाई म्याद थप गर्न धनुषा जिल्ला अदालतमा उपस्थित गराइने प्रहरीले बताएको छ ।

जिल्ला प्रहरी कार्यालय धनुषाका अनुसार सिरोहियामाथिको अनुसन्धान नसकिएकोले उनलाई म्याद थप गर्न अदालत लगिन लागेको हो । यसअघि जिल्ला न्यायाधीश चुरामन खड्काको ईजलासले बुधवार दुवै पक्षको वहस सुनेपछि तीन दिन थुनामा राख्न अनुमति दिएको थियो ।

सिरोहियालाई प्रहरीले मंगलवार काठमाडौंबाट पक्राउ गरेर धनुषा लगेको थियो ।