झापाको बिर्तामोडबाट यात्रु लिएर इलामको माबुतर्फ जाँदै गरेको बोलेरो दुर्घटना भएको छ । दुर्घटनामा ६ जना घाइते भएका छन् । घाइते हुनेहरू सबै झापाका रहेका छन् । आज दिउँसो ३.२० बजेको समयमा इलाम सन्दकपुर गाउँपालिका ४ माबुमा इलामबाट माबुतर्फ जाँदै गरेको मे १ ज ३२५५ नम्बरको बोलेरो गाडी उकालोमा ब्रेक फेल भई दुर्घटना भएको हो । दुर्घटनामा परी निम्न व्यक्तिहरू घाइते भएका छन् ।
बिर्तामोड नगरपालिका ३ बस्ने अन्दाजी वर्ष ७२ का मीनबहादुर गुरुङको टाउकोमा चोट, अवस्था सामान्य, शिवसतासी नगरपालिका ६ बस्ने अन्दाजी वर्ष ६५ की विष्णुमाया गुरुङको दाहिने कुममा चोट, अवस्था सामान्य, बिर्तामोड नगरपालिका ३ बस्ने अन्दाजी वर्ष ५९ का ओमकुमार गुरुङको दाहिने कुममा चोट,अवस्था सामान्य, बिर्तामोड नगरपालिका ३ बस्ने अन्दाजी वर्ष ६० का तुलाराम गुरुङको ढाडमा चोट, अवस्था सामान्य, बिर्तामोड नगरपालिका ३ बस्ने अन्दाजी वर्ष ६२ की हर्कमाया गुरुङको टाउकोमा चोट ,अवस्था सामान्य र बिर्तामोड नगरपालिका १० बस्ने अन्दाजी वर्ष ४० की ज्ञानमाया गुरुङको ढाडमा चोट ,अवस्था सामान्य रहेको जिल्ला प्रहरी कार्यालय इलामका सूचना अधिकारी डीएसपी प्रकाश जवेगुले बताए ।
घाइतेहरूलाई बीएण्डसी हस्पिटल बिर्तामोड ल्याइएको छ । बोलेरोमा १० जना सवार रहेका थिए । घटनास्थलमा रहेको गाडी उठाउने पहल भइरहेको र चालक इलाम माईजोगमाई गाउँपालिका ६ बस्ने ३२ वर्षीय प्रेमबहादुर थापा घाइतेहरूको उपचारमा संलग्न रहेको डीएसपी जवेगुले जानकारी दिए ।
