झापाको छुट्टाछुट्टैबाट प्रतिबन्धित लागूऔषध ब्राउन सगुरसहित चार जनालाई प्रहरीले पक्राउ गरेको छ । लागू औषधको ओसार पसार तथा बेचबिखन समेत भइरहेको भन्ने विशेष सूचनाको आधारमा प्रहरी चौकी बिर्ता बजार झापाबाट खटिएको प्रहरी टोलीले कनकाई नगरपालिका–९ का २६ वर्षीय ललितकुमार राजवंशी र बिर्तामोड नगरपालिका–३ का २५ वर्षीय अनिलकुमार राजवंशीलाई ४८० मिलिग्राम ब्राउन सगुर र एक थान मोबाइलसहित पक्राउ गरेको हो ।

उता इलाका प्रहरी कार्यालय दमकबाट खटिएको प्रहरी टोलीले दमक नगरपालिका–८ बाट दमक–९ का ३५ वर्षीय विनोद राई र ३१ वर्षीय गोपाल लम्जेललाई सात ग्राम १०० मिलिग्राम ब्राउन सुगर सहित पक्राउ गरेको हो ।

लागू औषधसहित पक्राउ परेका उनीहरूको सम्बन्धमा प्रहरीले थप अनुसन्धान गरिरहेको कोशी प्रदेश प्रहरी कार्यालय विराटनगरले जनाएको छ ।