खोटाङको बराहपोखरी गाउँपालिका–१ बराहपोखरीमा भएको ट्याक्टर दुर्घटनामा झापा बुद्धशान्ति गाउँपालिका–४ शान्तिनगरका २८ वर्षीय अमृत लिम्बूको मृत्यु भएको छ ।

बराहपोखरीको भिरगाउँस्थित रुम्दुबाट रसुवाघाटतर्फ खयरको काठ लिएर गइरहेको मे १ त ८५९७ नम्बरको ट्याक्टर हिजो साँझ साढे पाँच बजे दुर्घटना हुँदा चालक लिम्बूको मृत्यु भएको हो ।ट्याक्टर सडकभन्दा करिब सात सय मिटर तल खसेको प्रहरीले जनाएको छ ।

लिम्बूको शव सडकदेखि करिब पाँच सय मिटर तल भिरमा फेला परेको प्रहरीले जनाएको छ । ट्याक्टरमा सवार बराहपोखरीका २४ वर्षीय मुकेश मगर घाइते भएका छन् । उनको टाउको र शरीरका विभिन्न ठाउँमा चोट लागेको छ ।