झापा । प्रदेश १ का मुख्यमन्त्री हिक्मतकुमार कार्कीले सोमबारसम्म मन्त्रालय टुंगो लगाउने बताएका छन्। आज (बिहीबार) पत्रकार महासंघ प्रदेश १ समितिसँगको भेटघाटमा उनले यस्तो बताएका हुन्।

मुख्यमन्त्री कार्कीले सोमबारसम्म मन्त्रीहरूको जिम्मेवारी तोकिने बताउँदै ९ वटाभन्दा बढी मन्त्रालय नराखिने दावीसमेत गरे। उनले गठबन्धन सरकार भएकाले समझदारीमा अगाडि बढ्नेसमेत बताए।

मुख्यमन्त्री कार्कीले पुस २५ गते प्रदेश प्रमुख पर्शुराम खापुङसमक्ष शपथग्रहण गरेका थिए भने उनी नियुक्त भएयता ७ जना विना विभागीय मन्त्री नियुक्त गरिसकेका छन्।