मेचीनगर । मेचीनगरमा बुलेट मोटरसाइकलको ठक्करबाट एक पैदल यात्री महिलाको मृत्यु भएको छ । शनिबार साँझ मेचीनगर नगरपालिका-५ घोडाधिनस्थित भित्री पक्की सडक खण्डमा घैलाडुब्बाबाट नकलबन्दातर्फ जाँदै गरेको मे ११ प ५७६५ नम्बरको सेतो कलरको बुलेट मोटरसाइकलले पैदल यात्रीहरू सोही ठाउँ का ५५ वर्षीया देविमाया बिक, नवीन बिकको छोरी ६ वर्षीया निशा बिकलाई ठक्कर दिएको थियो । घाइते दुवैजनालाई उपचारको लागी बीएण्डसी अस्पताल बिर्तामोडमा लगिएको थियो ।
उपचारको क्रममा देवीमायाको मृत्यु भएको जिल्ला प्रहरी कार्यालय झापाका प्रहरी निरीक्षक ढुण्डिराज गिरीले जानकारी दिए । अर्का घाइते निशाको नाकमा चोट लागेकोले उपचार भइरहेको छ । यता मोटरसाइकल प्रहरी नियन्त्रणमा रहेको छ । चालक फरार रहेकोले खोजी कार्य भइरहेको छ ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
