२०८१ बैशाख ३ सोमबार

प्रतिवेदनमा सहमति खोज्न देउवाले बोलाए शीर्ष नेताको बैठक

काठमाडौं । नेपाली कांग्रेसका सभापति शेरबहादुर देउवाले पदाधिकारी र पूर्व पदाधिकारीको बैठक बोलाएका छन् ।

महामन्त्री गगन थापाले महासमिति बैठकमा पेश गर्ने सांगठनिक प्रतिवेदनमा सहमति जुट्न नसकेपछि देउवाले शीर्ष तहका नेतालाई छलफलका लागि डाकेका हुन् । प्रचार विभाग प्रमुख मीन विश्वकर्माले सभापतिले शीर्ष तहका नेताको बैठक डाकेको जानकारी दिए ।

देउवा निवास बुढानिलकण्ठमा ५ बजे बस्ने गरी बैठक बोलाइएको छ । प्रतिवेदनका विषयमा छलफल गर्न बैठक डाकिएको विश्वकर्माले जानकारी गराए । चुनावी गठबन्धन गर्न नहुने गरी थापाले सांगठनिक प्रतिवेदन तयार गरेपछि त्यसको विरोधमा संस्थापन पक्ष देखिएको छ ।

गठबन्धन गर्ने/नगर्ने तत्कालीन अवस्थामा निर्भर हुने भन्दै महामन्त्री थापाले प्रतिवेदनमा समावेश गरेको उक्त प्रसंग हटाउनुपर्ने संस्थापन पक्षको माग छ । महामन्त्री चुनाव अघिको गठबन्धन नगर्ने संकल्प प्रस्ताव बैठकबाट पारित गर्ने गरी प्रतिवेदन तयार गरेका छन् ।

सहमति जुटाउनका लागि शनिवारदेखि पटक–पटक छलफल भएको थियो । आइतवार बिहान भएको सभापति देउवा र गगनको छलफलमा पनि सहमति नजुटेपछि पुनः बैठक बोलाइएको हो ।

मंगलवार बिहान प्रस्तुत हुने प्रतिवेदनमा हालसम्म सहमति जुट्न नसकेपछि नेताहरु छलफलमा बस्न उद्घाटन सत्र छोट्याइएको थियो । बैठकमा पदाधिकारीमा सभापति देउवा, उपसभापति धनराज गुरुङ र महालक्ष्मी उपाध्याय ‘डिना’ ले मात्रै धारणा राखे । अनलाइन खबर

२०८० फाल्गुन ७, सोमबार प्रकाशित 0 Minutes 58 Views

ताजा समाचार