काठमाडौं : गृह मन्त्रालयले भोलि सार्वजनिक बिदा नभएको प्रष्टीकरण दिएको छ।

मन्त्रालयले आज एक विज्ञप्ति जारी गर्दै फागुन १ गते बिदा नभएको बताएको हो।

गत वर्ष फागुन १ ‘जनयुद्ध दिवस’ को बिदा दिइएकोमा बिदा खारेजीकाे माग गर्दै रिट दायर भएपछि सर्वोच्च अदालतले उक्त बिदा बदर गरेको थियो।

केही स्थानीय तहले आफ्नो पालिकाभित्र सार्वजनिक बिदा दिएकोमा सर्वसाधारणमा अन्योल बढिरहँदा उक्त दिन सार्वजनिक बिदा नभएको गृह प्रवक्ता नारायणप्रसाद भट्टराईले जारी गरेको विज्ञप्तिमा उल्लेख छ।