काठमाडौं । त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख डीआईजी अर्जुन चन्दले राजीनामा दिएका छन् ।

व्यक्तिगत कारणले राजीनामा दिएको उनको भनाई छ । प्रहरी प्रधान कार्यालयले भने औपचारिक रुपमा राजीनामाको जानकारी आइनसकेको बताएको छ । चन्दले १३ वैशाखमा विमानस्थल सुरक्षा प्रमुखको जिम्मेवारी पाएका थिए । चन्द हालका प्रहरी महानिरीक्षक वसन्त कुँवरकै ब्याचका अधिकृत हुन् ।

स्वेच्छिक अवकाशको बाटो नरोजेको भए उनी ३० वर्षे सेवा हद कायमै रहँदा २०८१ चैतसम्म प्रहरीमा रहने थिए । अनलाइन खबर