कोशीले दिएको ८५ रनको विजयी लक्ष्य पछ्याएको एपीएफले १७.३ ओभरमा २ विकेट गुमाउँदै लक्ष्य भेट्टायो । एपीएफका लागि इन्दु बर्माले सर्वाधिक अविजित ३६ रन जोडिन् । ओपनर ज्योति पाण्डेले २४, सीता रना मगरले १८ र रोमा थापाले अविजित १० रन जोडे ।

कोशीका लागि अलिसा खडिया र निशा शाहले समान १/१ विकेट लिए । पहिले ब्याटिङ गरेको कोशीका लागि कप्तान रुबिना क्षेत्रीले सर्वाधिक ४१, काजल श्रेष्ठले अविजित २५, अप्सरी बेगमले १३ र सबनम राई १ रनमा अविजित रहिन् ।