काठमाडौं । बजेट कार्यान्वयनको स्थितिमा यो वर्ष पनि संघीय सरकार घाटामा देखिएको छ । चालु आर्थिक वर्षको मङ्सिर मसान्त अर्थात् ५ महिना सकिन लाग्दा सरकारले जम्मा ३ खर्ब ५९ अर्ब २० करोड ६० लाख रुपैयाँ मात्र राजस्व उठाउन सकेको हो ।
तर, यता खर्चतर्फ यसै अवधिमा सरकारले ४ खर्ब ३८ अर्ब २६ करोड ३२ लाख रुपैयाँ खर्च गरिसकेको छ । तथापि, यो पनि सन्तोषजनक खर्च भने होइन ।
आर्थिक वर्षको मङ्सिर २५ गतेसम्म २५ प्रतिशत बजेट खर्च गरेको सरकारले राजस्व सङ्कलनको हिसाबले ७९ अर्ब ५ करोड ७२ लाख रुपैयाँ बजेट घाटा बेहोरेको छ ।
आर्थिक वर्षको मङ्सिर २५ गतेसम्ममा सरकारले लक्षित राजस्वको २४.३९ प्रतिशत सफलता हासिल गरेको छ । राजस्व, गैर–राजस्व, अनुदान तथा अन्य आयस्रोतबाट कूल १४ खर्ब ७२ अर्ब ४८ करोड ४७ लाख रुपैयाँको लक्ष्य राखेकोमा हालसम्म ३ खर्ब ५९ अर्ब २० करोड ६० लाख रुपैयाँ सङ्कलन भएको हो ।
२०८० मंसिर २६, मंगलवार प्रकाशित
0 Minutes
91 Views
