मेडिकल व्यवसायी दुर्गा प्रसाईंको आन्दोलनमा सहभागी आचार्य श्रीनिवास पक्राउ परेका छन् ।
सोमबार प्रसाईंको आन्दोलनमा सहभागी भएका आचार्य श्रीनिवास गौशालाबाट पक्राउ परेका हुन् । आचार्य श्रीनिवासलाई पक्राउ गरेर गौशाला प्रहरी वृत्तमा राखिएको काठमाडौं जिल्ला प्रहरी परिसरका एसपी कुमोद ढुंगेलले जानकारी दिए ।
श्रीनिवासमाथि सार्वजनिक शान्ति सुरक्षामा खलल पुर्याएको भन्दै मुद्दा चलाउने तयारी प्रहरीले गरेको छ । प्रसाईं पक्षधर समूहले सोमबार गौशाला चोकमा सडक अवरुद्ध गरेर प्रदर्शन गरेका थिए ।
प्रदर्शनमा उत्रिएकाहरूले प्रहरीमाथि ढुंगामुढा गरेपछि प्रहरीले बल प्रयोग गरेको थियो ।
२०८० मंसिर ११, सोमबार प्रकाशित
0 Minutes
150 Views
