मेचीनगर । मेचीनगर नगरपालिकामा सर्वपक्षीय बैठक सम्पन्न भएको छ । नगरप्रमुख गोपालचन्द्र बुढाथोकीको संयोजनमा नगर परिसरमा आयोजना भएको सर्वपक्षीय बैठकमा आम जनतासँग जोडिएका विषय बस्तुमा छलफल केन्द्रित रह्यो । मेचीनगरका क्रियाशील राजनीतिक दल, उद्योग वाणिज्य संघ, यातायात व्यवसायी, सुरक्षा निकाय नेपाल प्रहरी र सशस्त्र प्रहरीलगायत विभिन्न संघसंस्थाका प्रमुख तथा प्रतिनिधिको सहभागिता रहेको सर्वपक्षीय बैठकमा आसन्न चाडपर्वको अवसरमा नागरिकले सुशासनको प्रत्याभूति हुने गरी कार्य गर्न सबै सरोकारवाला निकाय लाग्नुपर्नेमा जोड दिइएको छ ।
साथै बैठकमा स्थानीय सरकारले गरेको सकारात्मक कार्यको चर्चा तथा सुधार गर्नुपर्ने विषयमा गम्भीर हुनुपर्ने साझा धारणा राखिएको थियो । बैठकमा संविधान सभा सदस्य रविन कोइराला, कोशी प्रदेश सभा सदस्य गोपाल तामाङ, निवर्तमान मेचीनगर प्रमुख विमल आचार्य, इलाका प्रहरी कार्यालय काँकडभिट्टा प्रमुख डिएसपी दीपक भारती, सशस्त्र प्रहरी बल काँकडभिट्टा प्रमुख डिएसपी रोहित घिमिरे, नेकपा एमालेबाट कोशी प्रदेश सदस्य देवकुमार राई, जिल्ला सदस्य चन्द्र प्रसाईँ, मेचीनगर अध्यक्ष राजु पोख्रेल, नेपाली काँग्रेसबाट जिल्ला उपसभापति केशवराज पाण्डे, क्षेत्रीय सदस्य सुरेन्द्र बुढाथोकी र मेचीनगर सभापति सुदय पनेरू, माओवादी केन्द्रका प्रकाश भण्डारी, रास्वपाबाट गोकुल अधिकारी र दीपेश पाठक, राप्रपा मेचीनगरबाट सचिव विशाल बास्कोटा, एसबाट हरि तिम्सिना, मेची उद्योग वाणिज्य संघबाट अध्यक्ष ख्यामराज प्रसाईँ, उपाध्यक्ष कपिल क्षेत्री र महासचिव दिनेश शाक्य, पूर्वी मेची बस व्यवसायी प्रालिका अध्यक्ष विष्णुकुमार श्रेष्ठ, प्यारीभिट्टा बसपार्क टर्मिनल व्यवस्थापन समिति अध्यक्ष डिल्लीराम घिमिरे, काँकडभिट्टा खानेपानी उपभोक्ता समितिका उपाध्यक्ष गोविन्द गिरीलगायतले आफ्नो धारणा राखेका थिए ।
कार्यक्रममा मेचीनगर शिक्षा शाखा प्रमुख तथा कार्यवाहक कार्यालय प्रमुख होमनाथ भण्डारी, वरिष्ठ प्रशासकीय अधिकृत अनन्तप्रकाश बस्ती, जसपाबाट मेचीनगर अध्यक्ष ओमप्रकाश खापुङ्ग, पासाङ ल्हामु स्मृति प्रतिष्ठान धुलाबारी अध्यक्ष ऋषि तिम्सिना, कल्याण खड्का, सामुदायिक सेवा केन्द्र काँकडभिट्टाका अध्यक्ष मुक्ति पौडेल, प्रेस क्लब मेचीनगर अध्यक्ष डम्बर बराललगायतको सहभागिता रहेको थियो ।
