झापा । माइधारमा आज बिहान भएको सवारी दुर्घटनामा एक जनाको मृत्यु भएको छ भने दुई जना गम्भीर घाइते भएका छन् । पूर्वपश्चिम राजमार्ग अन्तर्गत माइधारमा भएको दुर्घटनामा स्कुटरमा सवार तीन जना गम्भीर घाइते भएकोमा एक जनाको बिर्तामोड स्थित बीएण्डसी अस्पतालमा उपचारको क्रममा मृत्यु भएको जिल्ला ट्राफिक प्रहरी कार्यालय झापाले जनाएको छ । तीनै जना पुरुष रहेको बताइएको छ हाल सम्म कसैको परिचय खुल्न सकेको छैन ।

पश्चिमबाट पूर्व तर्फ आउँदै गरेको प्रदेश १–०१(०१६ प ४२८८ नम्बरको स्कुटर र पश्चिम तर्फ जाँदै गरेको एनएमसी डेरीको मे १ च ५८६८ सवारी एकआपसमा ठक्कर खाँदा स्कुटरमा सवार तीन जना घाइते भएका थिए । उनीहरू कसैको परिचय खुल्न नसकेको ट्राफिक प्रहरीले जनाएको छ । दुर्घटना आज बिहान ३ बजेको समयमा भएको हो ।