विराटनगर । कोशी प्रदेशका मुख्यमन्त्री उद्दव थापाले प्रदेशको नामाकरण विषयमा उठेका समस्या समाधानका लागि सरकार तयार रहेको बताएका छन् ।
शुक्रबार विराटनगरस्थित मुख्यमन्त्री तथा मन्त्रिपरिषदको कार्यालयमा आयोजित पत्रकार सम्मेलनका क्रममा मुख्यमन्त्री थापाले प्रदेशको नाममा उठेका सबै प्रश्नहरू माग र मुद्दालाई सम्बोधन गर्न प्रदेश सरकार तयार रहेको बताका हुन् ।
प्रदेशको नामाकरण परिवर्तनका लागि संविधानत: र वार्ताद्वारा हल गर्नेतर्फ गठबन्धन दलहरू उन्मुख रहेको मुख्यमन्त्री थापाले प्रष्ट पारे ।
विश्वासको मतका लागि दलहरूबीच छलफल सुरू हुने मुख्यमन्त्री थापाले जानकारी दिए । गठबन्धन दलको बैठकबाट विश्वासको मत लिने मिति र रणनीतिबारे प्रक्रिया थालनी हुने उनको भनाइ छ । पत्रकार सम्मेलनमा मुख्यमन्त्री थापाले जनता समाजवादी पार्टी (जसपा) चाँडै सरकारमा सहभागी हुने दावी गरे।
जसपा प्रदेश नामाकरणका क्रममा पहिचानको पक्षमा उभिदै आएको छ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
