काठमाण्डाै । भोटो जात्राको अवसरमा सरकारले काठमाण्डाै उपत्यकाका तीन वटा जिल्लामा भाेलि बिहीवार सार्वजनिक बिदा दिएको छ ।

गृह मन्त्रालयका प्रवक्ता जितेन्द्र बस्नेतले सूचना निकालेर बिहीवार रातो मत्स्येन्द्रनाथको भोटो देखाउने जात्राको अवसरमा उपत्यकामा सार्वजनिक बिदा दिने निर्णय भएको जानकारी दिनुभएकाे हो ।

भाेलि बेलुकी साढे ४ बजे ललितपुरकाे जावलाखेलमा रातो मत्स्येन्द्रनाथकाे भोटो देखाइनेछ । भाेलि बिहान बुङ्गमतीबाट मत्स्येन्द्रनाथकाे भोटो ल्याइनेछ । यसरी जावलाखेलमा भोटो देखाइसकेपछि फेरि बुङ्गमतीमै पुर्‍याइनेछ ।