झापा । मेचीनगर-९ निवासी शिक्षक अमृता पाठक चौंलागाईले ‘चैतु काका’ कथा संग्रह प्रकाशनमा ल्याएकी छिन् ।

उनको कथा संग्रह आगामी वैशाख २३ गते लोकार्पण हुने भएको छ । चौंलागाईंको पहिलो साहित्यिक कृतिका रुपमा प्रकाशित कथा संग्रहमा १६ वटा कथा समावेश गरिएका छन् ।

कथा संग्रहमा समेटिएका कथाहरुमा विशेषत सामाजिक परिवेश र नारीप्रधान विषयवस्तु समेटिएको कथा संग्रहका लेखक चौंलागाईले जानकारी दिइन् । भुँडीपुराण प्रकाशन काठमाडौंद्वारा प्रकाशित कथा संग्रहकी लेखक चौलागाईं मेचीनगर-९ स्थित कविशिरोमणि माविमा शिक्षकका रुपमा कार्यरत छिन् ।