कोसी प्रदेश स्तरीय आमन्त्रित १६ औं रामनवमी कप भलिबल प्रतियोगिताको उपाधि भलिबल संघ झापाले जितेको छ । हिले भलिबल क्लब धनकुटाको आयोजनामा सम्पन्न प्रतियोगितामा भोजपुर भलिबल संघलाई पराजित गर्दै झापाले नगद एक लाख र मेडल हात पारेको छ ।उपविजेता बनेका भोजपुरले नगद ५० हजार र मेटल प्राप्त गरेको छ । उक्त प्रतियोगितामा कोसी प्रदेश धनकुटा, तेह्रथुम, सङ्खुवासभा, भोजपुर, मोरङ, सुनसरी, खोटाङ, र झापाको सहभागिता रहेको थियो ।