यस्तै पर्यटन मन्त्रालयले पर्यटनसँग सम्बन्धित योजना स्वीकृत भइसकेका तर सम्झौता हुन बाँकी योजनाहरु समयमै सम्झौता गरी प्रभावकारी ढंगले सम्पन्न गर्न वैशाख मसान्तभित्रको समयसीमा समेत तोकेको छ । पर्यटनमन्त्री आचार्य केही समयअघि प्रदेशका पहाडी जिल्लाको भ्रमणमा निस्किएका थिए । भ्रमणका क्रममा पर्यटनसँग सम्बन्धित योजना सम्झौता गर्न नागरिकले सास्ती भोग्नुपरेको गुनासो गरेका थिए । सोही गुनासो सम्बोधन गर्न यो निर्णय गरिएको मन्त्री आचार्यको स्वकीय सचिव ईश्वरी आचार्यले जानकारी दिए ।