राजधानीमा जारी सहिद स्मारक ’ए’ डिभिजन लिग फुटबल प्रतियोगितामा सातदोबाटो युथ क्लबले लगातार दोस्रो जित निकालेको छ । ललितपुरस्थीत च्यासल मैदानमा बुधबार भएको खेलमा विभागीय टोली एपीएफ क्लबलाई १–० गोल अन्तरले हराउँदै सातदोबाटोले लगातार दोस्रो जित निकालेको हो । सातदोबाटोको जितमा विलियम एसिडुले निर्णायक गोल गरे ।
खेलको ५५ औं मिनेटमा विलियमले गोल गरेका थिए । जितसँगै सातदोबाटोले २ खेलमा ६ अंक जोडेको छ । एपीएफको यो पहिलो हार हो । पहिलो खेलमा एपीएफले थ्री स्टारलाई हराएको थियो । त्यस्तै त्रिपुरेश्वरस्थित दशरथ रंगशालामा बुधबार भएको खेलमा नेपाल पुलिस क्लबलाई १–० गोल अन्तरले हराउँदै हिमालयनले पहिलो जित निकालेको छ ।
हिमालयनको जितमा डिफेन्डर अमृत श्रेष्ठले निर्णायक गोल गरे । जितसँगै हिमालयनले २ खेलमा ४ अंक जोडेको छ । पहिलो खेलमा हिमालयनले मनाङ मर्स्याङ्दी क्लबसँग १–१ गोलको बराबरी खेलेको थियो । पुलिसको यो लगातार दोस्रो हार हो । पुलिसले २ खेलमा अंक जोड्न सकेको छैन ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
