झापाको अर्जुनधारा नगरपालिका २ बेलटारस्थित एक घरमा आगलागी भएको छ । बेलटार चौकमा रहेको मानबहादुर सार्कीको घरमा तीन वटा कोठामा आगलागी हुँदा अन्दाजी ५ लाख रुपैयाँ क्षति भएको प्रहरीले जनाएको छ ।
सशस्त्र प्रहरी बल खुदुनाबारी बेस क्याम्पका असई हिरबहादुर राईका अनुसार बुधवार बेलुकी करिब साढे ९ बजे विद्युत् सर्ट भई आगलागी भएको प्रारम्भिक अनुसन्धानबाट खुलेको छ ।
आगलागी भएको करिब डेढ घण्टापछि बिर्तामोडको दमकल, स्थानीय बासिन्दा, सशस्त्र प्रहरी, नेपाल प्रहरीलगायतको सक्रियतामा आगो नियन्त्रणमा आएको थियो ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
