काठमाडौँ : क्रिकेटर सन्दीप लामिछानेविरुद्धको बलात्कार मुद्दा आज पनि हेर्दाहेर्दैमा बसेको छ। जिल्ला अदालत काठमाडौँमा दायर बलात्कार मुद्दाको अन्तिम फैसलाका लागि आज पेसी तोकिएको थियो।
यसअघि आइतबार काठमाडौँ जिल्ला अदालतका न्यायाधीश शिशिरराज ढकालको इजलासमा सुरु भएको सुनुवाइ नसकिएपछि ‘हेर्दाहेर्दै’मा राखिएको थियो।
आज सरकारी वकिल र पीडित पक्षका वकिलले बहस गरेका थिए तर मुद्दा हेर्दाहेर्दैमा बसेको छ। वकिलको बहस र पीडित पक्षबाट जवाफी बहस भएपछि मात्रै अदालतले आदेश दिने छ।
गत मङ्सिर २४ गते काठमाडौँ जिल्ला अदालतका न्यायाधीश पदमराज पाण्डेयको इजलासमा पहिलो नम्बरमै पेसी तोकिए पनि सन्दीपका वकिलले निवेदन दिएर सुनुवाइ स्थगन गराएका थिए।
सन्दीप दोषी ठहर भए कम्तीमा १० वर्ष जेल बस्नु पर्ने छ। थाहा खबर
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
