साउनमा हरिया चुराका कुरा

साउनमा हरिया चुराका कुरासुन्दा सामान्य लाग्ला तर प्राकृतिक हरियालीको ख्याल नगरी चुरामा हरियोपन खोज्नु मुर्खता बाहेक केही होइन । जीवन न सुन्दर हुन्छ न डाँडाकाँडा, भरीभराउ सुन्दरता पक्कै पनि डाँडाकाँडामा हरियाली जीवनमा खुशियालीले दिन्छ । हामी हाम्रो नेपालको सन्दर्भमा भन्नुपर्दा हामी त्यसै पनि प्राकृतिक सुन्दरताले धनी छौं, त्यो वातावरण होस् या मानिस । हाम्रा चाडपर्वहरु हाम्रो संस्कृति अनि हाम्रा जीवनशैली आफैमा सुन्दर छन् । हामीलाई के हिउँद के बर्खा खासै फरक पर्दैन । हरेक समय हाम्रो सुन्दरता झल्की नै रहन्छ । विशेषतः अब सुरु भइरहेको बर्षा अनि चाडपर्वको माहोल, अहा….! कहिले पनि नसकियोस् झै लाग्छ ।हरियाली वातावरण हाम्रो जीवनको महत्वपूणर् अङ्ग हो । यसलाई जोगाउनु अनि बिकास गर्नु हाम्रो दायित्व हो । यहाँ मैले उठान् गर्न खोजेको बिषय पनि आज रुख विरुवा डाँडाकाँडाबाट मानिसमा सरेको हरियो बिकृित हो । धेरैलाई नराम्रो लाग्ला तर यथार्थ के हो भने आज आएर हामी हरियाली वातावरणमा काम र चिज तथा लगाउने लुगाहरुमा बढी खोज्ने गरेका छौं । खासगरी साउन महिना सुरु भएदेखि हाम्रा घर आगनमा लथालिङ्ग हरिया चुरा र वस्त्रले कब्जा जमाएर यस्तो देखाइन्छ कि हरिया चुरा बिना साउन जाँदैन कि झै गरिन्छ ।खासगरी नेपालसँगै भारतमा पनि यो ठूलो प्रचलन बनिसकेको छ । तर, धार्मिक तथा बैज्ञानिक दृष्टिकोणबाट कारण खोज्दा समेत कुनै तार्किक अर्थ भेटिएको देखिदैन । काँचका चुरा लगाउँदा हाम्रो शरीरको रक्तसञ्चारलाई यसले नियन्त्रण गर्छ भन्ने कुरा नकार्न त सकिन्न तर हरियो लगाउन साउन नै कुर्नुपर्छ भन्ने पक्कै हैन ।उसो त चुरा पोते सारी हामी नारीहरु को सिङ्गारमा पर्दछ र हामीले लगाउने नै गरेका छौं । यसमा कारण र बहसको कुनै गुञ्जायस रहँदैन । तर, अहिले आएर हरियो चुरा धेरै प्रचलनमा आयो यसको खास कारण व्यापारीलाई फाइदा मात्र देखिन्छ र अचम्मको कुरा यो व्यापार हाम्रो देशले गर्दैन । किनकी यी चुरा आयात हुने भारतको बनारस या हैदरावादबाट हो । हामी नेपाली नारीहरुलाई देखासिकि खुब मन पर्छ तर यसले कहाँ कसरी केमा प्रभाव पारेको हुन्छ मनन् गर्नु आजको आवश्यकता हो ।हाम्री आमा, हजुरआमाहरुले हरिया चुराको चटक बिना नै हामीलाई यति सुन्दर जीवन जिउन सिकाउनु भयो ।

हरियो चुरा लगाई फेसन देखाई गरेको पूजाको के अर्थ हुन्छ र ? साच्चै धर्म गर्नु नै छ भने चुरा बेचौं अनि जाउ साउनले बगाएर घरवारविहीन पीडितहरुको उद्धार र सहयोगमा हात बढाउ, तब मात्र धर्म भएको मानिन्छ ।बेलपत्ता रुखै मुडुलो पारेर हरिया चुरा सारी लगाएर पूजा गर्नु को अर्थ के ? फेसबुकको भित्ता रङ्ग्याउनकै लागि धर्मलाई बदनाम गर्ने गरी बिकृति ल्याउनुको के अर्थ ? यसरी भनिरहँदा म पूणर् खिलापमा छु र सबै गलत हो भन्ने पनि होइन । तर, यसरी आवश्यकता भन्दा बढी उम्लिनु पक्कै पनि राम्रो होइन । सुन्दा सामान्य लाग्ला तर प्राकृतिक हरियालीको ख्याल नगरी चुरामा हरियोपन खोज्नु मुर्खता बाहेक केही होइन ।

तपाईको प्रतिक्रिया